Dewa Til Hemamî yê Til Temirî de vizêrî 5 domanî netîceya teqayîşê mayinî de birîndar bîyî.
Dewa Til Hemamî yê Til Temirî de 5 domanê ke şivanîye kenê, netîceya teqayîşê mayinî de birîndar bîyî.
Birîndarî ameyî berdene Nêweşxaneyê Haburî yê Til Temirî. Domanê bi nameyê Îbrahîm Ebducasim (17) û Muhamed Xelef (12) ke bi giranîye birîndar bîyî, nêweşxaneye Hesekê rê ameyî sewqkerdene.
Ebdurehman Mehmûd (14) linga xo ya raşte ra, Ûsama Hesen Seqir (13) zanîyê xo yê raştî ra û zereyê xo ra û Leys Eseed Şihaze (10) zî linga xo ya raştî ra birîndar bîyî.
