Tezîyeya Pelîn Yilmaze ke ameye parekerdene, Herêma Kurdîstanî ya Federe cuya xo vîndî kerde, bi girseyî ameye zîyaretkerdene.
Seba pêşenganê têkoşînê azadîye yê cinîyanê kurdan ra yewe Pelîn Yilmaze (Pelîn Zozan) ke Herêma Kurdîstanî ya Federe cuya xo vîndî kerda, şaristanê Wanî tezîye ameye ronayene. Keyeyê Pelîn Yilmaz keyeyê xo yê Taxa Karşiyaka ya Rêya Armîşî de tezîye ronaye.
Rêxistinê komelo sîvîl û partîyê sîyasî yê şaristanî zî bi pêşengîya Komela Hetkarî û Piştgirîye ya bi Kesanê ke Merdimê Xo Dergûşê Şaristanîye de Vîndî Kerdê (MEBYA-DER), înan reyde şîyê tezîye zîyaret kerd. Bi seyan kesî bi sloganî “Şehîd namirin” şîyê cayê tezîye û keyeyê Pelîn Yilmaz rê serweşîye waşt.
Eşkerayîya PAJK’î de amebî parekerdene ke Pelîn Yilmaze 27ê çeleya 2025î de Herêma Kurdîstanî ya Federe de cuya xo vîndî kerde. PAJK’î vat: “Têkoşînê rayembaza ma Pelîne do têkoşînê rayembazanê aye û cinîyan de her roj seba azadîye payra bimano û pîl bibo.”
