5 têgêrayîşanê cinîyanê kurd, hêrişê rejîmê Îranî yê vera çalakîkeranê Îran û Rojhelatê Kurdîstanî şermezar kerdê û vengda komelê mîyanneteweyî, rêxistinê heqanê merdiman, sazgehê demokratîk û heme hêzanê azadîwaz ke hemverê hedîseyanê Îran û Kurdîstanî bêveng nêmanê û bi hewayêko şênber û tesîrdar paştî bidê têkoşînê şarî.
Komela Cinîyanê Azad ê Rojhelatê Kurdîstanî (KJAR), Rêxistina Asoyê Cinîyanê Kurd, Têgêrayîşê Cinîyanê Kurdîstan ê Îranî, Yewîya Cinîyanê Demokrat ê Kurdîstanî yê Îranî û Têgêrayîşê Azadîya Cinîyanê Kurdîstanî (NÎNA) eşkerayîyêka hempare weşanaye. Goreyê xebera RojNewsî têgêrayîşanê cinîyanê kurd rewşa peyêne ya Îranî û hêrişê Muhafizanê Şorişê Îranî yê vera çalakîkeran şermezar kerdo.
Bi taybetî herêmê kurdan bi hewayêko hişk yenê hedefgirewtene
Eşkerayî de ame dîyarkerdene ke rojanê peyênan de çalakîyê şarî yê şaristananê cîya yê Îran û Kurdîstanî bi hewayêko lez vila bîyê. Eşkerayî de ame dîyarkerdene ke Komara Îslamî ya Îranî sey demanê verênan seba qelskerdişê nê çalakîyan zilm û rêbazê tedayî şuxulnena û bi tayberî herêmê kurdan bi hewayêko hişk yenê hedefgirewtene.
Rêxistinê cinîyan, hêrişê vera çalakîkeran bi taybetî herêmanê sey Melekşahî û Lurîstanî sey “sucêko eşkera” û “binpakerdişêko giran ê heqanê merdiman” pênase kerdê û kerdişê bi nê hewayî bi hewayêko hişk şermezar kerdê.
Dewamê eşkerayî de ame dîyarkerdene ke cinî têkoşînê komelkî de her tim vernî de ca gênê û bi taybetî vera polîtîkayanê cînsîyetperest û netewperest xover dayo. Têgêrayîşê cinîyan, paştî daye têkoşînê merdiman ke çalakîyanê peyên de bîyê hedefê hêzanê ewleyî.
Têgêrayîşê cinîyan paştî daye têkoşînê merdiman ke çalakîyanê peyên de bîyê hedefê hêzanê ewleyî.
‘Hemverê hedîseyanê Îran û Rojhelatê Kurdîstanî de bêveng memanê’
Peynîya eşkerayî de vengda komelê mîyanneteweyî, rêxistinê heqanê merdiman, sazgehanê demokratîk û heme hêzanê azadîwaz ke hemverê hedîseyanê Îran û Rojhelatê Kurdîstanî bêveng nêmanê û bi hewayêko şênber û tesîrdar paştî bidê têkoşînê şarî.
