Saziya Ziwanê Kurdkî (SZK) ya Helebî, merkezê xo yê Taxa Şêxmeqsûdî de û teberê cîya, meclîs û sazîyan de, her çar aşman teqriben 150 kesan perwerde kena. SZK bi nê perwerdeyan hewl dana ke ziwanê dayîke bikero yew faktoro bingehîn seba pawitişê nasnameyê kulturî û rîbirîbîyayîşê sîyasetanê helakerdiş û çewisnayîşê kulturî.
SZK ya rojhilatê Taxa Şêxmeqsûdê şaristanê Helebî de, xebatê xo yê vejîyayîşê ziwanê dayîke û qewînkerdişê nasnameyê kulturî ya kurdkî, bi perwerdekerdişê desan wendekaranê her beşê komelî ra, çarçeweya yew programê rêk û pêk û hîra de dewam kena.
Na yewe, bi Şorişê 19’ê Temmûzê 2012î dest pê kerd, û seba kulturê komelî herêmanê ke uca sîstemê Îdareyê Xoserî, taxê Şêxmeqsûd û Eşrefîye gêrîyeno, bi yew noqta werçexî ya pîle. O çax ra nat, tevî şert û mercanê cîya yê ke SZK înan ra derbas bîya û vurnayîşê cayî, labelê reyna zî perwerdeyanê xo yê bi ziwanê kurdkî û xebatanê vejîyayîşê ey nifşê neweyan rê ravîrameyîş.
Alfabe ra heta rêzimanî: Hîrê astê perwerdeyî
Rayîrberanê SZK’yî vat ke 3 astê perwerdeyî est ê, demê her astî 4 aşmî yo û komeyanê domanan de, 15 ra heta 20 wendekarî perwerde benê. Kursan de kesê beşê cîyakerdî ra; wendekaranê zanîngehan ra heta dayîkan est ê.
Endama SZK’yî Zozan Dehar va ke programê wendişî temenan mîyan de ferq nêkeno, labelê girîngî dana asta resayîş û lazimayanê ziwanî yê her perwerdekarî û wina va: “Tevî ke tay wextan ziwan de zehmetî est ê, labelê reyna zî ma bi qabiliyetê her kesî yê musayîşî bawer ê, bilxassa zafane qonaxanê verî yê cîyanî de wendiş ra mehrûm mendî. Erkê ma ewro o yo ke ma ziwanê xo windakerdiş ra bipawê.”
Zozan Dehar dîyar kerd ke programê înan noqtanê bingehînî yê wendiş û nuştişî ra dest pê keno û cîyaya rêziwan û ziwanî yê averşîyayeyan rê resenê û wina dewam kerd: “Rojane dersî est ê; yew saete ra heta 2 saetan gorê qabiliyetê wendekaran danî. Rewşanê taybetî de zî heta 4 saetan dersî danî.”
Perwerdekaran vanê ke nê gamî yew firseta rindek ê ke perwerdeya ke verê înan ra mehrûm mendbî musenê. Derheqê na mesela de Mihemed Bekir (21) ke nîka kursê asta yewin de yo, va: “Na yew derdmeteke ke nêna dibarekerdiş. Ziwanê ma kulturê ma yo û kam cîya pawena, o do winda bo. Gerek ma cîwanî musayîşê ziwanê zikmakî xo rê sey yew armancê sereke bivînê. Girêdayî girîngîya ziwanî Rayver Abdullah Ocalan pawitişnameyê xo yê “Persgirêka Kurd û Çareserîya Neteweya Demokratîke” de vano: ‘Ziwan barkerdişê komelî ya zîhnîyet, exlaq, his û fikra estetîkî yo ke yew komel dest ra vete; ziwan estbîyayîşê nasnameyî û zîhnî ya mane û hisê serwextbîyayîşî yo, bîyo wayîrê îfadeyî. Komelê xo resnayo ziwanî, bîya wayîrê semedê qewînî yê cîyanî.”
Kursê ziwanî temsîlê xoverdayîşê kulturî
SZK hewl dana ke bi rayîrê nê xebatan ziwanê kurdkî sey yew beşê sereke cîyana rojane de ca bîgîro û verê hîşmendîyanê pawitişî yê ke bi desan serrî yo kurdan heqanê xo ra mehrûm verdayî, bîgîro. Taxanê Şêxmeqsûd û Eşrefîye de zî nê kursî sey yew xoverdayîşê kulturî yê bi nameyê “Ziwanê ma nîno windîkerdiş” temsîl kenê.
