Goreyê xeberanê ke medyaya Îranî de ameyî vilakerdene, serrêk de nêzdîyê 200 hezar cinîyan karê xo vîndî kerdo. Seke aktîvîstê cinî vanî, no sîyasetê dûrvistişê cinîyan ê aborî û waranê pêroyî yê komelî yo.
Medyayqa Îranî derheqê dûrvistişê karmendanê cinîyan ê Rojhelatê Kurdîstanî û Îranî de, warê aborî û bazaran ra raporêk vila kerd.
Ame dîyarkerdene ke, mîyanê serrêk de nêzdîyê 200 hezar cinîyan karê xo vîndî kerdo û hûmara amadekerdişê fersendanê karî seba cinîyan goreyê serranê verênan nêzdîyê 195 hezar kesî kêmî bîyo; tena nêzdîyê çar hezar û 600 kesî kar gêrenê.
Sewbîna ame dîyarkerdene ke tewr zaf kêmîbîyayîşê xebitîyayîşê cinîyan warê xizmet û meslkeî de ame qeydkerdene. Nê her di warî serranê verênan de sey cayanê tewr muhîm ê xebitnayîşê cinîyan ameyêne hesibnayene.
Goreyê raporî, nisbetê beşdar ê aborî yê welatî yo manadar serra 2015î ra heta nika se 40.6 ameyo war ke no zî mîyanê des serranê peyênan de sewîyeya tewr nizm a.
Eynî wextî de pisporê aborî û aktîvîstê heqanê cinîyan dîyar kenî ke no herikîyayîş tena vûrayîşêko reqamî nîyo; eynê wextî de sey sîyasetê dûrfînayîşê cinîyan ê bazarê karî, aborî û qada pêroyî ya komelî yo. Sîyasetêko winasîn ke estbîyayîşê cinîyan sînor keno; bi rayîrê qanûnan nê, bi rayîrê çinkerdişê fersendan û nêewleyîya bazarê karî yeno kerdene.
