Seba ê kesan ke Newroza 1992î de Nisêbîn de ameybî kiştene, çalakîya vîrardişî ameye kerdene. Cayê qirkerdişî de qerenfîlî ameyê ronayene.
Dayîkê Aştî û rayberê TJA, DBP û DEM Partî bi qerenfîlan 21 kesê ke Newroza 1992î de qezaya Nisêbîn a Mardînî de ameybî kiştene, cayo ke hedîs qewimîyaye, uca de ê kesî xo vîr ardê. Şahîdê qirkerdişî û Hemşaredarê Nisêbînî beşdarê programê vîrardişî bîyê. Girse nuqteya Pirdê Şehîdan de kom bî û bi sloganî “Şehîd Namirin” û “Bijî Aştî” bi qerenfîlan heta pirdî rayîr ra şîyê. Rayîrşîyayîşî ra pey girse seba ê kesanê ke ameyê kiştene, deqeyêk rêze girewte. Nameyê Meclîsê Dayîkanê Aştî ser o Perîhan Altûg qisey kerd û dîyar kerd ke Newroze seba Kurdan sembolê xoverdayîş û têkoşînî ya û ard ziwan ke ê kesê ke dinyaya xo bedelnaya, bi minet xovîr anê.
Hemşaredarê DEM Partî yê Nisêbînî Mehmet Han Yîgît zî wina vat: “Ma do wayîrê vengdayîşê Birêz Abdullah Ocalanî vejîyê ke prosesêko newe da destpêkerdene û ma do serkewê. Nê manayî de ma do hîna zaf wayîrê vîrameyîşê şehîdanê xo vejîyê.”
