Keyeyê Musa Anterî û avûkatê ey, seba dewaya Musa Anterî ke ravîyartişê demî ver xeripîyabî, newe ra bêro vînayîş muracatê Serekîya Daîreyê Cigêrayîşê yê Qetilkerdeyanê Faîl Nedîyaran ke bin banê Wezaretê Edaletî de ameyo awankerde, kerd.
Dewaya nuştox û ronamegerê Kurd Apê Musa (Musa Anter) ke 20ê êlula 1992î de Amed de hetê JÎTEM’î ra amebi qetilkerdiş, 21ê êlula 2022î de bi maneya ravîyartişê demî ver xeripîyabî. Kênaya Musa Anterî, Rahşan Yorozlu û avûkat Bişar Abdî Alinak seba ke dewan newe ra bêro vînayîş muracatê Serekîya Daîreyê Cigêrayîşê yê Qetilkerdeyanê Faîl Nedîyaran ke bin banê Wezaretê Edaletî de ameyo awankerde, kerd.
Muracatî de ama waştiş ke cigêrayîşêko tesîrdar bêro caardene û dewa her hetî ra bêra roşnîkerdene û failî bêrêtespîtkerdene û cezakerdene.
