Meclîsê Ciwanan ê DEM Partî seba pêvînayîşê Rayberê Şarê Kurd Abdullah Ocalanî reyde muracatê Wezaretê Edaletî kerd. Grûbêk endamê Meclîsê Ciwanan şîyî vernîya awanîya Wezaretê Edaletî, waştişnameyê xo da wezaretî û dima zî eşkerayîyêka çapemenî daye. Metnê eşkerayî hetê endamê Meclîsê Ciwanan Baran Tuncay Yildirimî ra ame wendiş.
Muracatê Wezaretê Edaletî
Baran Tuncay Yildirimî eşkera kerd ke sey endamê Meclîsê Ciwanan wazenî Abdullah Ocalanî reyde pêvînayîş bikerî û wina vat: “Ma wazenî Serek Apo reyde rî bi rî pêvînayîş bikerî û fikranê ey ra îstîfade bikerê. Muracatê ma seba nê nêzdîbîyayîşî yo.”
Baran Tuncay Yildirimî eşkerayîya xo wina qedênaye: “Çareserî tena bêvengkerdişê çekan nîya; ganî azadîya fîzîkî ya Birêz Ocalanî zî bêra ca. Ma sey ciwanan wazenî nê prosesî de rol û mîsyonê xo bîyarê ca. Ganî pêro beşê komelî zî nê prosesî rê wayîr bivejîyê.”
