Cuya rojnameger û nuştox Huseyîn Aykolî ser o tehluke dewam kena. Doktoran dîyar kerd ke do teqwîyeya gonî Aykolî rê bikerê.
Rojnameger û nuştox Huseyîn Aykol 14ê teşrîna verêne de keyeyê xo yê Anqara de gonî şîbî mezgê ey û ey hewanabi Nêweşxaneyê Perwerde û Cigêrayîşî yê Sîncanî. Nêweşxane de zî gonî şîbî mezgê ey û aşmêk a ke beşê ewnîyayîşê awarte de yeno dermankerdene. Huseyîn Aykol demo ke ameyêne dermankerdene, enfeksîyon girewt û seba ke vernîya enfeksîyonî bigîrê, tedawîya ey a krîtîke dewam kena. Huseyîn Aykol ke bi cîhazê nefesgirewtişî yeno dermankerdene, rewşa weşîya ey a bi tehluke dewam kena.
Doktoran dîyar kerd ke erjê gonîya ey kêm bîya û nê semedî ra zî teqwîyeya gonî ey rê bikerê. Zîyaretê seba Huseyîn Aykolî nêweşxane de dewam kenê.
