Îstanbul – Hepsî Sabahattîn Tekîn badê 30 serranê hepsîtîye texlîye bî. Sabahattîn Tekînî verê hepisxane de ame pêşwazîkerdiş û veng da ke wayîrê Prosesê Aştî û Komelê Demokratîkî bivejîyê.
Hepsî Sabahattîn Tekîn badê 30 serran Hepisxaneyê Tîpê L yê Numre 1 yê Maltepe ra texlîye bî. Keyeyê Sabahattîn Tekînî û îdarekaranê Komeleya MATUHAY-DER verê hepisxaneyî de ey bi vilikan pêşwazî kerd.
Badê pêşwazîye Sabahattîn Tekînî verê hepisxaneyî de qisey kerd. Ey dîyar kerd ke hepsîyê nêweşî binê şertanê giranan de seba cuye têkoşîn kenê û veng da ke tavilî texlîye bibê. Sabahattîn Tekînî bale ante rewşa hepsîyanê nêweşan ê hepisxaneyê ke o tede ra texlîye bî ser, Alî Riza Yurtdaşê 84 serre û Halîs Seven tede yê û va ke qerarê Sazgehê Tibê Edlî (ATK) bêhuquqê.
Sabahattîn Tekînî veng da ke wayîrê Prosesê Aştî û Komelê Demokratîkî bivejîyê. Ey ard ziwan ke ê do têkoşînê demokratîkbîyayîş û awankerdişî pîl bikerê û va: “Wezîfe û mesulîyetê ma pîlkerdişê nê têkoşînî yo.” Sabahattîn Tekîn ke 30 serrê xo zîndan de vîyarnayê, ard ziwan ke têkoşînê şarî înan qewetin keno.
Sabahattîn Tekîn do meşte saet 20.00 de Meydanê Teyareyan ê Amedî de hetê MED TUHAD-FED û keyeyê xo ra bêro pêşwazîkerdiş.











