Amed – Tîyatroyê Şaristanî yê Şaredarîya Amedî ya Şaristanê Girdî premîyerê kayê “Serpêhatîyê Nîkoyê Şilbik” Çand Amed de kerd. Kay de îluzyon û nîşandayîşê balonan pîya yê.
Tîyatroyê Şaristanî yê Şaredarîya Amedî ya Şaristanê Girdî premîyerê kayê “Serpêhatîyê Nîkoyê Şilbik” Merkezê Kultur û Kongre yê Çand Amedî de kerd. Rejîsora kayî Elvan Koçer a. Mehmet Veysî Yoldaşî kay nuşto û o bi xo kay keno. Kay bi îluzyon û nîşandayîşê balonanê rengînan sahne ser ame nîşandayîş.
Hîkayeyê embazî û parekerdişî
Nîko îluzyonîstêko şîrin o. O wazeno bireso sîrkê girdî yê Welatê Keskesorî û yeno îstasyonê trêne. La sebebê bêxemîya xo ra nêreseno trêne. Gede û temaşekerdoxî piştî danê ey. Nîko dest bi nîşandayîşê xo keno û xo Welatê Balonan ê fantastîkî de vîneno.
Kay de bi îluzyon û balonanê rengînan bale yena antiş muhîmîya embazî û parekerdişî ser.






















