Rojnameger û şair Bayram Balci yo ke demêko nêweşîya qanserî ra derman bîyênê, saetanê şewe de nêweşxane de cuya xo ra.
Rojnameger û şair Bayram Balci (63) ke Ewropa de demêko derg o nêweşîya qanserî ra ke 7 serrî yo derman bîyênê, şewe nêweşxaneyê ke tede derman bîyênê de cuya xo vîndî kerd.
Bayram Balci 3 rojî verê seba ke halê ey giran bî û ey berdî nêweşxaneyê Azorgî yê Belçîka. Bayram Balci serranê dergan rojnameyê Ozgur Gundemî de xebetîya û tîya edîtorî kerde û zaf xeberê kultur û hunerî amade kerdî. Badê girewtişê rojnameyê Ozgur Gundemî şî Ewropa û Belçîka de bi ca bî.
Bayram Balci Medya Haber TV de ke merkezê aye Bruksel de yo xebetîyêne û servîsê kulturî de edîtorî kerdênê. Bayram Balci demêko nêweşxane de tedawî bîyênê û tewlê tedawîyêka derge zî vîzêrî şewe, Çapemenîya Azade û embaz û dostanê xo ra xatir waşt û dinyaya xo bedilnê.
Bi kilmekî cuya Bayram Balci:
O aşma sibate serra 1963 de Anqara de yeno dinya û bi xo şaristanê Sêwazî ra yo. Wendişê xo yê unîversîte seba darbeyê leşkerî yê serra 1980î de nêqedêneno û dest bi karê rojnamegerî keno.
Di kitabê şîîran ê Bayram Balci bi nameyê “Canima degmez hayat (1999)” û “Yerdibi (2002) ê Balci est ê. Heman wextî de kitabê cigêrayîşî bi nameyê “Orta Asya’de Îslam Misyonerleri-Fethullah Gulen Okullari” zî hetê Bayram Balci ra ameyo nuştene.
Serranê 1990yan de rojnemegerê çapenîya azade yê ke ameyê qetilkerdene sey şewirmend û nuştoxê hêkat û senaryoya filmê “Press”î de ca gêno. Bi na raye şahîdîya Balci zî senaryo de cayê xo gêna.
