Rojnameger Şehrîban Aslan ke bi îdiaya “binpaykerdişê nimitişê cuya taybetî” ameyêne muhakemekerdiş, beraat kerd.
Roniştişê diyîn yê dewaya muxabîra JINNEWS’î Şehrîban Aslan ame kerdene. Bi maneya xeberê tayê îdarekaranê Midurîya Keye û Xizmetanê Komelî yê Amedî semedê lazimîyanê xo yê şexsîyan wesayîtanê midurîye şuxulnenê, derheqê Şehrîban Aslan de dewa ameybî akerdene. Şehrîban Aslan ke nêeşka beşdarê roniştişê Mehkemeya Cezaya Aslîye ya Amedî ya 16. bibo, avûkatê aye Resûl Tamûr amade bi. Komela Rojnamegeranê Cinîyan ya Mezopotamyayî (MGK), Komela Rojnamegeran ya Dîcle Firatî (DFG) û Komela Cigêrayîşê Medya û Huqûqî (MLSA) zî roniştiş de amade bîyê.
Dozgerî roniştiş de fikrê xo pêşkêş kerd û beraet waşt.
Avûkat Resûl Tamûr zî dîyar kerd ke ê nê fikrî ra razî yê û waştişê beraetê muwekîla xo kerd. Heyetê mehkema badê qerarê xo eşkera kerd û qerarê beraetî da.
