Rejîmê Îranî roja sêşeme 11 kesî bi sebebanê cîya bi cîya ameyê sucdarkerdene, înan darde kerdê. Bi nê kesan hûmara kesanê ke serrêk de ameyê dardekerdene, vejîyaye hezar û 594.
Rêxistina Pawitişî Heqanê Merdiman (HRANA) derheqê dardekerdişanê ke Îran de dewam kenê eşkerayîyêk weşanaye. Eşkerayî de ame dîyarkerdene ke rejîmî 17ê kanûne roja çarşeme 11 kesî ke hepisxaneyanê cîya de manenê, darde kerdê. Xebere de ame eşkerakerdene ke kesê ke bi sebebê sucanê cîya bî dardekerdişî ameyê sucdarkerdene, serê sibayî ameyê dardekerdene.
Xebere nêdanê keyeyan
HRNA’yî eşkera kerd ke bêyî ke xebere bidê keyeyan kesan darde kenê û vengda heme rêxistinanê heqanê merdiman û raya mîyanneteweyî ke hemverê na rewşe haydar bibê û veng vejê.
Nameyê kesanê ke ameyê dardekerdene û cayo ke tede ameyê dardekerdene wina yê: Faramarz Papî Zindanê Şarêkordî de, Karamxoda Yarî Zindanê Sabzevarî de, Osman Ahmadî Zindanê Mehabadî de, Ebrahîm Azîzî Zindanê Malayerî de, Yarvalî Azîmî Zindanê Kaşmarî de, Sajjd Farahmand Zindanê Çabaharî de, Mehîrşad Asgarî Zindanê Damxanî de, Mohammad Boghilanî Zindanê Buşehîrî de, Parvîz Şabanî Zindanê Vakîlabadî de, Riziyeh Abbasî zî Zindanê Xezel Hesarî de ameyê dardekerdene.
Destpêkê serre ra heta nika 594 kesî ameyê dardekerdene
Eşkerayî de ame dîyarkerdene ke destpêkê serra 2025î ra heta nika hezar û 594 kesî ameyê dardekerdene. Rêxistine eşkera kerd ke hûmara dardekerdeyan her ke şono vêşî bena û emserr na hûmare goreyê serranê bînan daraxêko zaf berz de bîyo.
