Pasdaranê rejîmê Îranî sereştişê dewa ke girêdaya qezaya Dalaho ya Kirmanşanî de bi maneyê tewrbîyayîşê çalakîyanê aşma çileyî bîyî 2 ciwanî kurdî yê bi nameye Maysam Waîsî û Mojtaba Waîsî qetil kerdî.
Sucê vera merdimîye û înfazanê teberê hukmî yê rejîmê Îranî yê vera kurdan û bawerîyanê cîyayan dewam kenê. Ame zanayene ke sibayê 28ê gulane de hêzanê rejîmî eşte dewa Kaleh Ganel ya qezaya Dalaho ya girêdayeyê şaristanê Kirmanşanî yê Rojhelatê Kurdîstanî ser. Şahîdanê hedîseyî eşkera kerd ke hêzanê rejîmî bê îqaz hêrişê keyeyî kerd, netîceyê hêrişî de 2 birayê kurdî hetê Pasdaranê Şorişî ra ameyê qetilkerdene.
Bê îqaz rasterast gulebaran kerdê
Goreyê agahîyanê ke amê dayene, Maysam Waîsî û Mojtaba Waîsî badê ke tewrê serewedartişê aşma çileyî yê 2026î bîyî, vera teda û tehdîdan mecbûrî, cuyêka nimite domnênê. Badê çend aşman, cayê înan hetê hêzanê ewlekarîye û îstîxbaratê yê rejîmî ra ame tespîtkerdene.
Ame eşkerakerdene ke hêzanê Pasdaran dorûverê keyeyê ke her di birayî tede bî girewto. Goreyê agahîyan, hêzanê çekdaran ê rejîmî bê îqaz her hetî ra rasterast keyeyî gulebaran kerdo. Netîceyê hêrişî de, Maysam û Mojtaba Waîsî cayê hedîseyî de amê qetilkerdene.
Sey aktivîstê bawerîya yarsanî yenê naskerdene
Ame zanayene, her di birayî ke amê qetilkerdene, taqîpkerdenê dînî yarsanî bî. Maysam û Mojtaba Waîsî eynî demî de şaristanê Kirmanşanî de sey çalakîkerê kulturî yê naskerdê ameynê zanayîş. Qetilkerdişê nê her di çalakîkeran ra reyna dîyar bi ke polîtîkayê vernîgirewtiş û qirkerdena rejîmê Îranî vera şarî kurdî û komelê yarsanî dano mojnayene.
