Rejîmê Îranî, Abdulcelîl Şehbexşo ke bi îdiaya ke “vera dewlete çek şuxulnayo” ameyêne muhakemekerdene, bi nimitkî darde kerd.
Goreyê xebera Rêxistina Heqanê Merdiman a Hengawî Rejîmê Îranî Abdulcelîl Şehbexşo ke 55 rojî dimayê şerê Amerîka-Îsraîl û Îranî de amebi girewtene, Hepisxaneyê Zahîdanî de bi hewayêko nimitkî darde kerdo. Abdulcelîl Şehbexşo ke qezaya Taftanî ya eyaletê Sîstan û Belucîstanî ra yo bi îdîayanê “vera dewlete çek şuxulnayîş” û “endamtîya Ensarul Furkanî” amebi girewtiş.
Goreyê melumatanê ke Rêxistina Heqanê Merdiman a Hengawî girewtê; Abdulcelîl Şehbexş, 12ê gulana 2026î de, roja sêşeme şewe, bê ke rayedarê hepisxaneyî xeber bidî keyeyê ey, ey darde kerdo.
