Doktora Nêweşxaneyê Seyîd el-Şuheda yê Îshanî Şîda Rîyahî Çelvanî, pispora odaya emelîyatî ya Nêweşxaneyê Atîye yê Tehranî Fatîma Afşarî û teknîsyenê odaya emelîyatî yê Tankabûnî Mihemed Reza Abdullahpour ameyê destbendekerdene.
Goreyê raporanî ke ameyê weşanayene hêzê ewleyî yê Îranî rojanê peyênan de hîrê xebatkarê weşîye şaristananê cîya de destbend kerdê. Sebebê destbendkerdişan bi fermî nêameyê parekerdene û derheqê cayê girewtiş, sucdarîyê vera înan yan zî rewşa înan de agahîyêka zelale çin a.
Rixmo ke rayedarê Îranî destbendkerdişan înkar kenê zî Sekreterê Pêroyî yê Komela Hemşîreyan dîyar kerd ke xeylê hemşîre û xebatkarê weşîye seba ke hetkarîya çalakîkeran kerda ameyê destbendkerdiş.
