Derheqê Mudira Xeberan a JINNEWS’î Oznur Deger de seba ke prosesê destbendbîyayîşê xo de reaksîyon mojnayo, bi îdiaya “xoverdayîş” û “heqaret” dewayêka bîne ameye akerdene.
Derheqê Mudira Xeberan a JINNEWS’î Oznur Deger de bi îdiaya “xoverdayîş” û “heqaret” dewayêka bîne ameye akerdene. Ame dîyarkerdene ke Oznur Deger seba ke 7ê sibate 2025î de destbendbîyayîşê xo yê bi îşkence de ke keyeyê qezaya Qosera Mardînî de ame kerdene û vera şîdetê psîkolojîkî yê vera keyeyê xo reaksîyon dayo, pê yewna dewa yena muhakemakerdene.
Îdîanameyo ke hetê Serdozgerîya Komare ya Qoser ra ame hazirkerdene, Oznur Deger rê sucdarîyê “seba ke wezîfe nêro caardene xoverdayîş” û “heqaret” ameyî kerdene. Îdianame hetê Mehkemaya Cezayan a Aslîye ya Qoser ya 6. ra ame qebulkerdene.
Çarçewaya eynî serebûdî de, derheqê maye û waya Oznur Deger de ke vera destbendbîyayîşê aye reaksîyon dayo, bi îdiaya “seba ke wezîfe nêro caardene xoverdayîş” dawayêka cîya abîye.
Ame qeydkerdene ke roniştişê dawa yo yewin do 14ê temmuze de Mehkemaya Cezayan a Aslîye ya Qoser a 6. de bêro vînayene.
