Platformê Ekolojî yê Şirnexî seba vindarnayîşê Santralê Termîkî yê Silopî kampanyaya îmzayan daye destpêkerdiş.
Platformê Ekolojî yê Şirnexî seba vindarnayîşê Santralê Termîkî yê şaristanokê Bêspîn yê girêdayeyê qezaya Silopî ya Şirnexî platformê medyaya dîjîtal ser o kampanyaya îmzayan da destpêkerdiş. Platformê Ekolojî yê Şirnexî hesabê xo yê medya dîjîtal ser o eşkerayîyêk weşanaye û vengda heme sazgeh û dezgehanê Şirnexî ke paştî bidê kampanya.
Platformî bale ante tesîranê santralî yê serê weşîya şarê Şirnexî ser o û wina vat: “No santralê enerjî û girêdayeyê ey madenê komirî 17 serrî yo xozaya ma talan keno. Sewbîna semedê santralî nîsbetê nêweşîya kanserî herême de xeylê zêde bîyo. Ganî êdî ma vera naye bêveng nêmanê û ma nê santralî bidê vindarnayene.”
Platformî tewr peynî dîyar kerd ke her îmzayêka seba vindarnayîşê santralî sey îradeyêko xurt a û vengdayîş kerd ke her kes tewrê kampanyaya îmzayî bibo.
Lînkê kampanya no yo:
