Serekê Meclîsî Numan Kurtulmuşî akerdişê roniştişo yewin ê kombîyayîşê 12. de îfade kerd ke do prosesê goşdarîkerdişî ra pey dest bi amadekarîyanê xebatanê taslakanê qanûnîyan bikerê û pêşnîyazan komîteyî rê bierşawê.
Roniştişê yewin de SETA, DÎTAM, Cigêrayîşê Vinderte, Merkezê Cigêrayîşanê Kurdî (KSC) û Weqfa Cigêrayîş, Perwerde û Kulturî ya Ekopolîtîk (EKEAV) goşdarî bikero. Roniştişo diyîn de zî Enstîtuya Anqara, Merkezê Cigêrayîşanê Saha yê Sosyo-Sîyasî (SAHAM), Weqfa Cigêrayîşanê Polîtîkayanê Aborî ya Tirkîya (TEPAV) û Merkezê Cigêrayîşanê Rojhelatê Mîyanênî (ORSAM) do bêrê goşdarîkerdene.
Kombîyayîşê Komîsyonê Demokrasî, Waûbirayî û Piştîdayîşê Mîllî yê 12. dest pêkerd. Kombîyayîşî de do sazgehê fikrî bêrê goşdarîkerdene. Serekê Meclîsî Numan Kurtulmuş destpêkî de qisey kerd. Serekê Meclîsî Numan Kurtulmuşî akerdişê roniştişo yewin ê kombîyayîşî de vat: “Ma yenê peynîya kombîyayîşanê goşdarîkerdişî. Ma pêroyê nê goşdarîkerdişan de 830 rîpelî notî girewtê. Ma do prosesê vernîya xo de aşma teşrîna verêne de goşdarîkerdişê bînan ê sazgehanê komelkîyan zî bigîrê û dima ra zî dest bi amadekarîyanê xo yê taslakanê qanûnîyan bikerê û pêşnîyazan Komîteyê Pêroyî rê bierşawê. Tîya her kesî fikrê xo vatî. Eke komîsyon xebatanê xo de serkewo, ma do biresê qonaxêko muhîm. 2 rojî yo Neteweyanê Yewbîyayeyan de kombîyayîşê Xezayî yenê kerdene. Nê kombîyayîşî seba Filîstînî muhîm ê. Xeylê dewletan Filîstînî nas kerd, no zî zaf manadar o. Ma hêvî kenê ke no bibo wesîleyê dewletêka Filîstînî. Ma do kombîyayîşî ewroyî de sazgehanê fikrî û cigêrayîşan bigoşdarê.”
Qiseykerdişê Numan Kurtulmuşî ra pey roniştişo yewin ê kombîyayîşê 12. dest pêkerd.
