Şirnex- Serekê Meclîsê Tirkîya Numan Kurtulmuş Koyê Cûdî de vat ke, wextê hamnanî de do qanûnî bêrê vetene û çekî bêrê ronayene.
Serekê Meclîsê Tirkîya Numan Kurtulmuş Şirnex de tewrê programê Yadkerdişê Hz. Nûhî bî. Numan Kurtulmuş programê serê Koyê Cûdî de vat ke, hema wextê hamnanî xelas nêbîyo do qanûnî bêrê vetene.
Numan Kurtulmuş qiseykerdişê xo de bale ante serê xebata komîsyonê ke seba prosesî meclîs de amebî awankerdiş û wina qisey kerd: “Seba ke ez şaristanê Nûhî de ya, ez zaf bextewar a. Êdî nê koyan ra şînê ma nêvejîyeno, êdî nê koyan de dayîkê ma hêsiran nêrişnenê. Êdî nê koyî, koyê aştî û birayîyê yê. Seba ke na babete bêro çareserkerdiş, par meclîs de yew komîsyon ame awankerdiş û xebatêka rinde ameye kerdene. Peynîya xebata ma de yew rapor ame amadekerdiş. Na serre zî hema wextê hamnanî xelas nêbîyo, goreyê raporê ke ameyo amadekerdiş do qanûnî bêrê amadekerdiş. Sewbîna do goreyê ronayîşê çekan nê gamî bêrê eştene. Na babete do heta-heta bêro girewtene.”
Numan Kurtulmuş dima qiseykerdişê xo Koyê Cûdî ra şi merkezê Şirnexî.
