Nergîse Muhammed û Sepideh Qoliân zî tede 8 aktîvîstî ewro hetê dewleta Îranî ra ameyî destbendkerdene.
Nergîse Muhammeda ke wayîrê Xelata Nobelî ya, aktîvst Sepideh Qoliân û Buran Nazimi ewro gama ke bajarê Meşhedî de tewrê merasîmê vîrameyîşî yê Xosro Alî Kurdî bîyî, ameyî destbendkerdene.
Weqfa Nergîse Muhammed eşkera kerd ke destbendkerdişê Nergîse Muhammed raşt o la derheqê ça de yena tepiştene û rewşa weşîya ci de zanayîş nêda.
Pîya bi nê hîrê aktîvîstan Esedullah Fehimi, Hasti Amiri, Aliyah Metabelzade û waya Ebu’l-Fazl Edinezade ya ke wextê serewedaritişê “Jin, Jiyan, Azadî” de ameye qetilkerdene, Marziyeh Adinezadeh, babîyê ci Ali Adinezadeh zî ameyî destbendkerdene.
Çimeyanê cayîyan da zanayene ke hema ke hêzê dewlete yê Îranî nêrasaybî herême tay kesê ke nasnameyê înan nîno zanayene xîret kerd ke destur nêdê qiseykerdişê Nergîse Muhammedi û Sepideh Qoliân la nêeşkayî verê qiseykerdişan bîgirê.
