Muracatê musabeqaya ke hetê Şaredarîya Peyasî ra bi piştgirîya PENa Kurd, Şubeyanê Egîtîm Senî yê Amedî û Komela Edebîyatkaranê Kurdî ra bi sloganê, “Bi Hîkayeyêk Wisar Yeno” yena organîzekerdene û do 10ê gulane de biqedîyê, dewam kenê.
Musabeqaya ke hetê Yewîneya Pawitiş û Averberdişê Ziwanê Kurdkî û Meclîsê Ziwan ê Şaredarîya Peyasî ra bi bi piştgirîya PENa Kurd, Şubeyanê Egîtîm Senî yê Amedî û Komela Edebîyatkaranê Kurdî ra bi sloganê, “Bi Hîkayeyêk Wisar Yeno” yena organîzekerdene, mabênê wendekaranê dibistanê amadekarî de hîkayeyê Kurdkî (kurmanzcî û kirmanckî) bi hewayêko taybet yena organîzekerdene.
Şaredarîya Peyasî dîyar kerd ke musabeqa seba heme wendekaranê dibistanê amadekarî/lîse ya. Muracatê musebaqa ke 1ê nîsane de dest pêkerdê, do 10ê gulane de biqedîyê. Encamê musabeqa zî do 15ê Gulane Roja Ziwanê Kurdkî de bêrê eşkerakerdene. Tena hîkayeyê ke bi ziwanê kurmancî yan kirmanckî ameyê nuştene, eşkenê beşdarê musabeqa bibê. Hîkayeyî ganî adresê maîlî yê bi nameyê [email protected] rê bêrê erşawitene. Peynîya musabeqa de, eşkerakerdişê encaman ra pey berhemê ke ameyê weçînitene, do bi dîyarîyanê surprîz reyde bêrê xelatkerdene.
‘Amancê averberdiş û geşkerdişê ziwan û kulturê Kurdkî yena kerdene’
Yewîneya Pawitiş û Averberdişê Ziwanê Kurdkî û Meclîsê Ziwan ê Şaredarîya Peyasî dîyar kerd ke na musabeqa bi amancê averberdiş û geşkerdişê ziwan û kulturî yena kerdene û heme wendekarê dibistanê amadekarî seba beşdarîye silaynayê û ame dîyarkerdene ke heme wendekarê dibistanê amadekarî hîkayeyanê xo yê kurmancî û kirmanckî yê ke verê çap bîyê, eşkenê înan reyde beşdarê musabeqa bibê.
ŞERTÊ BEŞDARBÎYAYÎŞÎ:
- Musabeqa bi Kurdkî (Kurmanckî û Kirdkî/Kirmanckî/Zazakî/Dimilkî) yo.
- Pêro wendekaranê wendegehê lîseyî eşkenê beşdarê musabeqa bibê
- Beşdarî eşkenê tena bi yew hîkayeyêk beşdarî bibê.
- Hîkayeyî ganî 4 rîpelê A4’î ra dergî mebê.
- Beşdarî ganî bi no hîkayeyê xo reyra beşdarê yewna musabeqayê hîkayeyî mebê.
- Beşdarî hetê babetan ra serbest ê.
- Beşdarî tedeyîyanê hîkayeyanê xo ra mesul ê.
- Heqê Şaredarîya Peyasî est o û ganî qebul bo ke hîkayeyê ke ameyî weçinitene bêheqê telîfî weşanîyê û çap benê.
- Hîkayeyî ganî programê Word’î de binusîyê û e-maîlo ke cêr de nusîyayê, înan ser o bierşawîyê.
- Beşdarî ganî name û malûmatê îrtîbatê sey belgêyêko cîya bêrê erşawitene.
- Muracatî 1ê Nîsane de dest pê kenê û 10ê Gulane de qedîyenê.
- Netîceyê Musabeqayê Hîkayeyî do 15ê Gulane de bêrê eşkerakerdene.
- Wayîrê hîkayeyanê ke ameyî weçinitene do pê dîyarîyanê suprîzan bêrê xelatkerdiş.
Têkilî: [email protected]
