Fermandarê Muhafizê Şorişî Tuggeneral Ezîz Gazanferî va: “Eke Îran ra petrol îxrac nêbo, tu welatêk ra îxrac nêbeno.”
Fermandarê Muhafizê Şorişî Tuggeneral Ezîz Gazanferî, çalakîyêk ke Îran de amebi viraştene de, derheqê şero ke DYA’yî reyde dewam keno û Neqebê Hurmuzî ser o qisey kerd. Ezîz Gazanferî dîyar kerd ke Îran Neqebê Hurmuzî bi temamî binê kontrolê xo de gêno û vat: “Eke Îran biwazo ameyoxî de hîna zêde bibo wayîrê emnîyetî û texelnayoxîye, lazim o kontrolî Neqebê Hurmuzî ser xo hêzdar bikero.”
Ezîz Gazanferî îfade kerd ke eke rewşa emnîyetê yê Îranî bêîstîkrar bo, herême de do cayêko emnîyet nêmano û wina vat: “Eke şarê Îranî mîyanê bêemnîyetî de biciwîyo, do şarê herême zî bêemnîyetî ra nêro pawitene.”
Ezîz Gazanferî pawit ke DYA û Îsraîl Îran de nêresayê amancê xo û dewam kerd: “Eke Îran ra petrol îxrac nêbo, tu welatêk ra îxrac nêbeno.”
