Meclîsê Cinîyan ê KESK’î yê Amedî semedê destpêkê 25ê Teşrîna Peyêne Roja Têkoşînê Hemverê Şîdetê vera Cinîyan start da û dîyar kerd ke ê do hemverê şîdetî de sere berz bikerê.
Meclîsê Cinîyan ê KESK’î yê Amedî semedê destpêkê 25ê Teşrîna Peyêne Roja Têkoşînê Hemverê Şîdetê Cinîyan Ser şubeyê Egîtim-Senî yê hûmara 1. de kombîyayîşê çapemenî organîze kerd. Kombîyayîşî de pankartê “Jin Jîyan Azadî” ame aliqnayîş. Temsîlkarê rêxistinê beşdarê kombîyayîşî bîyê. Endama Meclîsê Cinîyan a KESK’î ya Amedî Guneş Ozel eşkerayîye wende. Çi heyf ke eşkerayî tena bi ziwanê tirkî ameye wendiş!
Guneş Ozel bale ant muhîmîya 25ê Teşrîna Peyêne û va ke ê do sey her serre emser zî bi destpêkê 25ê Teşrîna Peyêne hemverê kiştiş û şîdetê cinîyan de sere berz bikerê.
Guneş Ozel bernameyê 25ê Teşrîna Peyêne yê Meclîsê Cinîyan ê KESK’î yê Amedî eşkera kerd.
Program wina yo:
* Ma do semedê Rojîn Kabaîş û heme cinîyê ke ameyi kiştiş û şîdet înan ser o ameyo kerdiş waştişê edaletêk rastî bikerê.
* 18ê teşrîna peyêne de ma do semedê hevalê xo yê zîndanan de yê kartê piştîdayîşî bişawê.
* 20ê teşrîna peyêne de ma do verê Mehkemaya Cîzîrî de bê, ma do hemverê desteştişê ke tutan ser benê vengê xo vejê û dewaya desteştişî ya Cizîrî taqîb bikerê.
* 22ê teşrîna peyêne de ma do serdanê Dayikê Şemeyî bikerê.
* 23ê teşrîna peyêne de ma do tûrê bîsîklêtê cinîyan Parka Koşûyolûyî ra hetanî Wareyê Şêx Seîdî rayîrşîyayîş organîze bikerê.
* 25ê teşrîna peyêne de ma do sey pêameyeyê Platformê Cinîyan ê Dîcle Amedî rayîrşîyayîşê 25ê Teşrîna Peyêne organîze bikerê.
