Cinîyê êzidî ke tewrê komxebata ronesansî bî, dîyar kerdî ke semedê ê kesê ke cinî bêhêz danê mojnayîş û bêqîmet vînenê cewabê tewr pîl û bihêz o na komxebate û vatişê ke do heta peynî bi vengdayîşê aştî û komelê azadî dir ê.
Cinîyê êzidî ke bî 11 serrî yo her hetî ra xo birêxistin kenê û hemverê her tewirê hêrişan xo ver danê, 28ê Tebaxe de Şengal de bi serkêşîya Têgêrayîşê Azadîya Cinîyê Êzidî (TAJÊ) bi sloganê ‘Bi rêxistin û têkoşînî ma do bibê serkêşê komelê demokratîk û azadî’ Komxebata Ronesansê Cinîyanê Êzidîyan organîze kerdî. Komxebate de cinîyê êzidî babetê sey problemê zîhniyet, cinsperestî, kiştiş û întîxarê cinîyan, tesîrê fermanî yê cinîyan, dimayê fermanê rewşa cinîyan, xopawitiş û caardişê ronesansî de roja cinîyan, munaqeşekerdiş û çareserî aver berdî.
Cinîyê ke tewrê komxebate bî derheqê komxebate û rolê cinîyan ê ronesansî de fikrê xo ajansê jinnewsî dir pare kerdî.
Ronesans do bibo azadîya pêro kesê bindestî
Endama Meclîsê Xoserî yê Zoravayî Neam Şeref derheqê komxebate de wina va: “Na komxebate semedo ke ma xo rêxistin bikerê, eynî wextî de bibê cewabê fermanan xeylêk muhîm o. Bi tayêbetî sey cinî ma do xo nê fikr û felsefeya zerdîn ê Serek Apo perwede bikerê û biresê pêro heqanê xo. Komxebate semedê Ronesasê cinîyanê êzidîyan û komelêk azad ame organîzekerdiş. Nameyê Serek Apo ke tarîxê cîya de komelêk û cinîyê êzidîyan rê şirawitibî sey sînevîzyon ame goşdarîkerdiş û temaşekerdiş. Ma bi mesajê Serek Apo yê semedê ma xeylêk keyfweş bî. Ma do bi na komxebate xo aver berê û birêxistin bikerê. Seke Serek vano, Ronesas do bibo azadîya pêro kesê bindest.”
‘Heta peynî ma bi venga aştî û komelê azadî dir ê’
Endama Akademîya Jineolojî ya Şengalî Sara Botan zî wina va: “Ma na komxebate, mîmarê Azadîye Rayber Apo eynî wextî de pêro cinîyanê dinya rê pîroz kenê. Reya ewilî yo ke cinîyê êzidî wina bi hîrayî problemanê xo anê ziwan. Na komxebate de semînerî ameyî, armancê ma oyo ke ma do senîn serkêşîya komelê êzidî bikerê. Ma do senî wayîrê vengdayîşê aşîtî û komelê demokratîkî vejîyê. Vernîya fermanî de cinîyê êzidî cayê xo mîyanê komelî de zaf tay bî û qij ameyîne vînayîş. La dimayê germanê 3yê Tebaxa 2014ine, cinîyê êzidî xo fikr û felsefeya Serok Apo ser o xo birêxistin û perwerde kerd. Reya ewil hêzê sey YJŞ, Asayîşê Êzidxanî, eynî wextî de Têgêrayîşê Azadîya Cinîyanê Êzidîyan TAJÊ ameyî awankerdiş. Meclis û sazgehê Şengalî pêro cinî serkêşîya ci kenê. Semedo ke ma bieşkê bibê cewabê 74 fermanî ma komxebatê bi nê şeklî organîze kenê ka senîn ma bî nimûne semedê her cinîyêke. Ma heta peynî bi vengdayîşê aştî û komelê demokratîkî dir ê.”
