Komxebata Ekonomîya Demokratîk û Xorêxistinkerdişê Ekonomîya ke hetê DBP’yî ra Amed de yeno viraştiş roja dîyine de dewam kena.
Komxebata Ekonomîya Demokratîk û Xorêxistinkerdişê Ekonomîya ke hetê Partîya Herêmanê Demokratîkan (DBP) ra, vizêrî Çand Amed de amebi destpêkerdene roja dîyine de dewam kena. Hemşaredarê Şaristanê Girdî ê Wanî Abdullah Zeydanî ke cayê ey de qayûm amebi tayînkerdiş, Hemşaredara Elihê Gulistan Sonuk a ke cayê aye de qayûm amebi tayînkerdiş, endam û rayberê partîyanê sîyasîi temsîlkarê sazgehanê sîvîl û xeylî kesî tewrê kombîyayîşê bîyî.
Roja dîyine ya komxebate de forum do bêro viraştiş. Roniştişê formî de babetê “Vera Krîzê Citkarîya Ekonomîya Berardişê Demokratîk”, “Rayberîya Herêmî û Modelê Ekonomîya Demokratîk: İmkan û Sînorî”, “Ekonomîya Şaristanî, Cigêrayîşê Bazirganîya Adîlane û Eko-Endustrî” do bêro munaqeşe kerdene.
