Komîteya Koçberanê Serêkanîye seba koçberanê Helebî, Reqa û Tebqa vengdayîşê piştîdayîşî kerd.
Komîteya Koçberanê Serêkanîye derheqê rewşa koçberanê Helebî, Reqa û Tebqa de ke resayê Kantonê Cizîrê, eşkerayîye daye.
Ame dîyarkerdene ke bi hezaran keyeyê koçberan ke resayê Kantonê Cizîrê, seba kêmanîya war, werd, awe û malzemeyanê tîbîyan binê şertanê çetinan de ciwîyenê û hewcedarîyê serekeyî yê cinîyan, domanan û kalikan nêyenê caardene.
Komîte veng da heme koçberanê Serêkanîye, dezgehan, rêxistinanê piştîpêdayîşî, rêxistinanê herême û mîyannetewîyan ê însanî û heqanê merdiman ke berpirsyarîyênê xo yê exlaqî û însanîyan ca bîyarê û seba piştîdayîşê tîbî û însanî bilezabez tedbîranê laziman bigîrê.
Komîte peynîye de îfade kerd ke piştîdayîşo ke do bêro dayene koçberan û sivîkkerdişê dejanê înan, wezîfeyêko însanî yo ke nêyeno peygoşkerdene û vengdayîşê girewtişê tedbîranê lezgîn û tesîrkeran kerd.
