Koordînasyonê KJK’î destnîşan kerd ke hewl yeno dayîş ke Sûrîye de şer bêro gurkerdiş û veng her kesî kerd ke wa 8ê Adara Roja Cinîyê Kedkar ê Dinya de qirkerdişê verba elewîyan de bêro şermezarkerdene.
Koordînasyonê Komelê Cinîyê Kurdistanî (KJK) bi beyanato nuşteyî qirkerdişo ke hetê HTŞ’î ra verba elewîyan de yeno kerdene şermezar kerd û va: “Ma pêrabesteyê xo yê bi şarê elewî û cinîyan ra dîyar kenê, veng heme sazî û rêxistinê cinîyan ê demokratîk ê Kurdistan û Tirkîya ra bi xususî Sûrîye ra kenê ke bi hîsger nêzd bibê, nê hêrişan protesto bikerê û bibê wayîrê nêzdîbîyayîşî.”
Beyanatê Koordînasyonê KJK’î ra bi no rengî yo:
“Sûrîye rayêko bîn ver bi şerêko bi gonî û qirkerdişêkê mabenê şar û mezbaran ra yeno antiş. Elewîyê Sûrîye, bi hewteyan o herême sey Latkîya, Hûmûs, Tartûs yê qeraxê Sûrîye raştî heqaretê teberê merdimeyî, îşkence û qirkerdişan yenê. Cinîyê elewî raştî her tewir zext û destdergîya terorîst û çeteyê dînperest-dînî yê DAIŞ’î ke pêroyîya înan nê Sûrîyeye yê, yenê. Ma no qirkerdişê verba şar û cinîyê elewîye de ameyo kerdene bi tundî şermezar kenê.
Dişmenê cinîye nêeşkeno ameyoxê Sûrîye awan bikero
Hêzê mîyanêneteweyî hewl danê HTŞî, Şamî ra rewa bikê û herême zî goreyê menfaetê xo awan bikê. No ser zî heme hêzê mîyanêneteweyî verba qirkerdiş û zilmî de bêveng manenê. Ma na çarçiwe de hereketa dinya ya cinîyan, roşnvîran, hêzê demokrasî kenê ra ma veng danê; wa verba qirkerdişê elewîyan de bêveng nêmanî.
Roja 8ê Adara Cinîyê Kedkar ê Dinya de no qirkerdiş lazimîya cinîyan a rêxistinbîyayîşê hembar û berzkerdişê têkoşînî hîna zafêr vejîyayo werte est o, verbirsîyar û semedê heme qirkerdiş, şer û yewnêbîyayîşê zîhnîyetê mêrdeyê serdestî ra qewimyeno. No ser azadîya cinî û têkoşînê ci panzehîrê her tewirî kulturê tundî û serwerî yo. Na çarçiwe de ma roja têkoşînê ya cinîyê elewî û heme cinîyan pîroz kenê.”
