Kiştoxê Mûsa Tanî yo ke Êlih de mîyanê kuçeyî de amebî kiştene, ame girewtene.
Mûsa Tan o 70 serre, 5ê temmuze de Taxa Hîlalî ya Êlihî de mîyanê kuçeyî de, vera hêrişêko çekdar de cuya xo ra bibî. Dimayê hedîse tehqîqat amebi destpêkerdiş. Goreyê agahîyê ke avûkatê dosyaya Tanî dayê; rojanê verênan de kiştox bi xo şino teslîmê Mudiriyetê Polîsan ê şaristanî beno. Ame dîyarkerdiş ke nameyê kiştoxî Zervan Îmîr o û 23 serre yo.
Avûkatê dosyaya Mûsa Tanî, Yûnûs Bagişî beyan kerd ke dimayê kiştişê Mûsa Tanî çend rojî ravêrenê, Zervan Îmîr behsê hedîse pîyê xo rê keno û ey da zanayene ke 20ê temmuze de şino teslîmê Mudiriyetê Polîsan ê Şaristanî beno. Avûkatî da zanayene ke badê ke îfadeyê Zervan Îmîrî ame girewtene, o ame girewtene. Yûnûs Bagişî diyar kerd ke polîsan na hedîse eşkera nêkerda, faîl bi xo şîyo teslîmê mudirîyetê polîsan bîyo.
