Sînorê şaristanê Dihokî de, semedê teqayîşê tûpê gazî, mîyanê çadiranê koçberanê Şengalî yê Kampê Şarî de şewat vejîya.
Netice de 10 çadîrî veşayê û zerarêko gird yê madî virazîya. Wextê nêmrojî de Kampê Şarî ya ke sînorê şaristanê Dihokî de yê koçberê Şengalî tede manenê, şewat vejîya.
Goreyê agahîyanê herêmî ra sebebê vejîyayîşê şewatî teqayîşê tûpê gazî bîya û naye ra 10 çadirê koçberan bi temamî veşayê.
Rayberîya Koç û Koçberan û Cewabdayîşê Qrîzan ê Şaristanê Dihokî Pîrdiyan Ceferî derheqê şewatî de eşkerayî daye û dîyar kerd ke zerarê nê şewatî tena madî yê û tu zerarê canî nêvirazîyayo; sewbîna ey îşaret kerd ke ekîbê Pawitişê Sîvîlî û hetê eleqedarî wextêko kilm de adir tefna. Ame eşkera kerdene ke cigêrayîşê serê detayanê nê şewatî dest pêkerdo û seba pêşkeşkerdişê hetkarîya bileze û keyeyanê ke çadirê înan veşayê, xebatî ameyê destpêkerdene.
