Tayê heskerdoxê kirmanckî ke îstanbul de ameyî têhet û bi nameyê Mazêre grûbe ronaya û aktîvîteyê kirmanckîyan virazenê.
Aktîvîteya bi nameyê ‘Şewa Estanikan’ Merkezê Kulturî yê KAYY-DER’î de do bêra kerdene. Şewa Estanikan de Mem Keleş û kaykerdoxê tîyatroyî Alîşan Onlu do vejîyê sehne ser û estanikan vajê. Muzîsyen Wusar zî aktîvîte de seba meymanan do deyîran vajo.
Aktîvîte do 18.00 de dest pêbikera.
Grûba Mazêre ard ziwan ke ê wextêkê dergî ra nata seba na aktîvîte amadekarîyan kenê û wazenê ke Şewa Estanikan de pêroyê şarê ma bîyarê têhet.
Mazêre venga pêro heskerdoxanê ziwanî da ke wa 21ê kanûne de tewrê aktîvîte bibê.
Mazêra ke Îstanbul de hetê tayê heskerdoxanê ziwanê zazakî ra ronîyaya 21ê kanûne de aktîvîteya xo ya verêne do bikera.
