Cagirê Walîyê şaristanê Îlamî Tacedîn Salihyan eşkera kerd ke netîceyê hêrişê Amerîka-Îsraîlî yê qezaya Eywan girêdayê şaristanê Îlamî yê Rojhelatê Kurdîstanî de keyeyêk kurdî ra 6 kesî cuya xo ra bîyê.
No sibayî qezaya Eywan girêdayê şaristanê Îlamî yê Rojhelatê Kurdîstanî de netîceyê hêrişêk asmenî yê Amerîka-Îsraîlî de keyeyêk kurdî ra 6 kesî cuya xo ra bîyê. Goreyê agahîyan hema zî cenazayê înan binê enkazî ra nêameyê vetene û xebata seba vetişê cenazayan dewam kenê.
Derheqê hêrişî de Cagirê Walîyê Şaristanê Îlamî Tacedîn Salihyan eşkerayîyêk da û dîyar kerd ke no sibayî de semedê hêrişê Îsraîl-Amerîkayî yê serê ca û warê şarî yê qezaya Eywan de 6 kesan cuya xo vîndî kerd.
Sewbîna zî dîyar kerd ke mîyanê kesêke cuya xo ra bîyê de gedeyêk 6 aşme zî est o û heta nika zî cenazaya înan binê enkazî de mendê.
