Pîyê Şervanê YPG’yî Şervan Şiyar Kobanê yê ke Şoreşê Rojhelatê Kurdistanî de cuyê xo vînî kerd, Îhsan Çapanî dîyar kerd ke êdî dinya zî modelê Rojawanî qebul kerdo û va: “Dewlete vînî kerde û Rojawan zî serfîraz bi.”
Şoreşê 19ê Temuze 13 serrî xo dima ca verada. Serrgêra şoreşî de zaf welatanê dinya de şahîyî yenî vîraştiş. Şoreşê 19ê Temuze 2012î, bi beşdarîya kurdan û pêrabesteyanê bînan sey ereban, suryanan, asûran, şaristanê Kobanê de dest pê kerde. Armanc o bi ke yew rayberîyêka demokratîk cayo aloziyanê mezhebî yê ke sebebê aloziya Sûrîye ya 15ê Adarê 2011î ra vejîyayî û pêkewtişanê teberî reyde bîyî hêrişê leşkerî, bêro awankerdene. Bi minasebeta 13. serrgêra Şoreşê 19ê Temuze, Pîyê Şervanê YPGyî Şervan Şiyar Kobanê, Îhsan Çapan ke lajê ey zî netîceya şerê Rojawanî de cuyê xo vînî kerd, Ajansa Welatî rê qisey kerd.
“Lajê mi verê şerî kewt têkoşîn”
Îhsan Çapan destnîşan kerd ke verê ke Şoreşê 19ê Temuze dest pê bikero, lajê ey Têkoşînê Azadî de ca girewto û va: “Verê ke seferberî bêro îlanî, lajê mi kewt gerîla. Dima derbazê Rojawan bî û şî cebheya şerî û birîndar bî. Dima birîndarîya xo Kobanê de bi Serekê Fermandarî. Dima yew demî vengê mi kerd û ez şîya rojhelatê Kurdistanî. Ez şîya mi ey dî. Mi ra va, to çira vengê mi kerd û va, ‘Ez do şirî cebheya şerî.’ Mi va; birîna to hîna weş nêbîya. Va, ‘Bi hezaran embazê ma şehîd kewenî.’ Dima ke şî mîyanê şerî o wext çeteyan hêrişê Awbendê Tişrînî kerdî. Dima ke Awbendê Tişrînî xelisîya, lajê mi û şeş embazê xo uca de şehîd kewtî. Wexto ke şehîd kewt zî ma cenazeyê ey nêardî tiya. Rojawan de ame definkerdîş. Şervanî vatêne; xoza ke ruhê şêrîntir ra cîyayî çîyê bîn zî estene, mi bi dayîşê rayîrê nê şoreşî. Şoreşê Rojawanî çîyêko wina bi ke dîyayîş û vatîş yew nêbîyêne. Merdim nê dozî de canê xo zî bido verê çimanê merdimî nêno.”
‘Mergî rê govend gênî’
Îhsan Çapanî dewamê qiseykerdişê xo de bi vîr vist ke planê dewlete yê ke serê Rojawanî kerdêne têk şîyî û wina qisey kerd: “Rojawan de çîyêko wina awan bî ke dewlete zî nêzanitene do çi bikero. Şerê Rojawanî de dest pê kerd û dewlete vînî kerde. Rojawan zî serfîraz bi.”
