Hunermendê Dêrsimî seba Gulîstan Doku eşkerayî daye. Eşkerayî de ame dîyarkerdene ke, çîmê dewlete welatê ma ser de bî, Gulîstan Doku verê çîmanê înan de bîye vîndî.
Hunermendê Dêrsimî Meydanê sey Riza de seba Gulîstan Doku ser o eşkerayî daye. Hunermend Kemal Kahraman û Metîn Kahraman, nuştox Wûşen Çaglayan, Şanoger Yilmazcan Şare û xeylê welatîjî beşdarê eşkerayî bîyê. Nûştox Wûşen Çaglayan, Şanoger Yilmazcan Şare û Kemal Kahraman qomê xo rê Gulîstan Doku ser qisey kerd.
‘Dewlete vengê ma bihesno’
Welatê ma de Gulîstan Doku ameye kiştene, tena welatê ma nê, kamcî ca de ke cinîk ame kiştene dewlete bîvîno. Dormeyê welatê ma de Polîs û Eskerî ra girewte yo. Dewlete ke biwaza, her çî verê çîmanê ci de beno, bivîno.”
‘Nê welatî zaf faîlê meçhulî dîyê’
Wûşen Çaglayan, qiseykerdîşê xo de wina va: “Gulîstan Doku, 6 serrî yo ke bîya vîndî. Maye Gulîstan Doku de edalet wazena. Dewlete çi tewir na çêneke vînena. No welat, verên de zaf heşîrîye dî. Ayten Ozturk ameye kiştene. Pîyê Ayten seba çêneka xo vengê xo keno berz. Ma vanîme ke, zereyê nê karî de dewlete est a, kam se kerdo ma ra vajê. Gulîstan bîvînê ma rê bîyarê.”
‘Maya Gulîstan sey pepuge welatê ma ser de nalena’
Şanoger Yilmazcan Şare, qiseykerdîşe xo de wîna va: “Maye Gulîstan sey pepug welatê ma de nalena. Ame şî, çêneka xo fetelîya. Zereyê xo qe nevesena. Maye Gulîstan ra vat ke, çêneka to, xo eşta awe. Maye înam nêkerd. Zaliman sima xo rê vanê ma merdîmîme. Maye va ke, astûne çêneka xo wazena. Çêneka xo rê mezel wazena. Serê mesela çêneka xo de bi vervî. No wext hîn neaseno, roje yena heqê xo gênûme. Ma poşte xo poşte jûmîn sanime, nê derdî ra wayîr vejîme.”
