Merkezê Kultur û Hunerî yê Cemîl Horo yê Helebî bi beşdarîya Tevgerê Hîlala Zêrîn ê Kultur û Hunerî yê Cinîyan klîbêko newe ser muhîmîya pêrabestî ya pêkhateyan û pawitişê welatî virazenê
Tevgerê Kultur û Hunerî yê Cemîl Horo yê Helebî û Tevgerê Hîlala Zêrîne klîbêkê bi nameyê “Welat” virazenê. Deyîrê klîbî hetê hunermend Baran Dilbiharî rê ameyo nuştiş.
Klîb de hunermendanê Koma Agirî yê girêdayî Merkezê Horo, Hîlala Zêrîn û Koma Dîlanan cayê xo gênê û dîmenê ci Pakrewangehê Şehîdanê Xoverdayişê Şêxmeqsûd û Eşrefîyêyî de yenê antiş.
Hunermend Nîyazî Seydo ke cayê xo klîb de gêno wina vat: “Ma na pêvajoye de têkoşîn danê. No têkoşîn do çarenuşteyê ma dîyar biko. No ser ma qerar da ke bi nê berardişê vengê yewgirewtişî bikê.”
Nîyazî Seydo dîyar kerd ke armancê înan berardişê “Welato” berzkerdişî yê moralê şarî yo û wina domna: “Ma wazenê moralê şarê xo berz bikê, bîyarê vîra xo ke welat her çikî ra vayetir o û oxirê ci de can û berdelê giran yenê dayiş. Senî şervan bi çekê xo enîyan de şer kenê, wa hunermend zî bi hunerê xo fikrê pawitişê welatî biresnê.”
