Humus de hêrişêko çekdarî de cinîyêk ameye kiştiş û mêrde û lajê aye zî birîndar bîyî.
Goreyê agahîyanê ajansê ANHA pare kerdê, kesananê xerîban keyeyêk da guleyan ver o. Gulevaranî de cinîya bi nameyê Yumna Helaq (41) ameye kiştiş, mêrdeyê aye zî bigiranî birîndar bi, eynê wextî de lajê înan Zên Îbrahîm (13) zî milê xo ra birîndar bi. Birîndarî seba nêweşxaneyê dewlete ê şaristanî ameyê berdiş.
Hêriş vizêr şand Kuçeyê Beyet El Tewîlî yê Taxa Wadî Zehebî de ameyo kerdiş. Goreyê agahîyan, hêriş bi demançeyêka bêveng ameyo kerdiş.
Heta nika derheqê hêrişkar û sebebê hêrişî de tu agahî nêameyê girewtiş. Hetanê eleqar zî derheqê hedîse de agahî nêdayî.
