Hemserekê Pêroyî yê DEM Partî Tulay Hatîmogullari û Tuncer Bakirhan vera astengkerdişê çapemenîya Kurdkî reaksîyon mojna û vat: “Ganî polîtîkayanê sansurî ra fek veradê ke heqê şarî yê agahîgirewtişî, vengê Kurdkî û çapemenîya azade hedef gênê.”
Hemserekê Pêroyî yê DEM Partî Tulay Hatîmogullari û Tuncer Bakirhan derheqê astengkerdişê hesabê X’î yê ajansê ma, rojnameyê Azadîya Welat, Nûmedya24 û Sendîkaorg û Ajansê Bêrû de, hesabanê xo yê X’î ser o eşkerayî daye û reaksîyon mojna.
Tulay Hatîmogullari eşkerayîya xo de îfade kerd ke astengîya vera çapemenîya azade yeno manayê poltîkayanê sansurî de israrkerdiş û wina vat: “Nê qerarê ke çapemenîya kurd, weşanê muxalîf û heqê şarî yê agahîgirewtişî hedef gênê, azadîya çapemenî bi qeraranê îdarî yena fetesnayîş. Nê caardişî ke wazenê rojnamegeran bêveng bikerê, nênê qebulkerdiş. Ganî polîtîkayanê sansurî ra fek veradê ke heqê şarî yê agahî girewtişî, vengê Kurdkî û çapemenîya azade hedef gênê.”
Tuncer Bakirhanî zî eşkerayîya xo de dîyar kerd ke polîtîkayê sansurî tersê îqtîdarî yê vera heqîqetî dano teber û vat: “Cezakerdişê rojnamegeran, hedefgirewtişê çapemenîya kurd, mudaxaleyê vera azadîya çapemenîye. Sansur nêeşkeno heqîqetî tarî bikero, tena zerar dano demokrasî. Çapemenîya azade nêna bêvengkerdiş û bi astengîyan nênê teslîmgirewtiş. Ganî lezabez nê caardişî biqedîyê ke çapemenîya azad ser o yê, resnayîşê çapemenîya Kurdkî asteng kenê û heqê şarî yê agahîgirewtişê hedef gênê.”
