Hêlîn Umit îfade kerd ke înan sey têgêrayîşî merhaleya verên a prosesî de çîyo ke keweno milê înan ardo ca û vat: “Merhaleya diyîne de ganî ewil, berê Rayber Apoyî bêrê akerdene ke bieşko sîyaset bikero.”
Endama Têgêrayîşê Azadîye yê Kurdan Hêlîn Umît Porgramê Taybet ê Medya Haber TV’yî de derheqê qerarê Komîteya Wezîran a Konseya Ewropa yê derheqê Rayberê Şarê Kurdî Abdullah Ocalamî û Prosesê Aştî û Komelê Demokratîkî erjnayîşî kerdî.
Hêlîn Umit vat: “Komîteya Wezîran bi nêqerî waşt zemînê sîyasîyet meseledergkerdişî hazir bikero. Bi mîlyonan kesî semedê nê heqî vejîyay waran la Konseya Ewropa nê waştişî nêvînayîşî ra ameyî.
PKK’yî serkêşîya Rayber Apoyî de aşma gulane de estbîyayîşê xo yo rêxistinkî qedîna û badê na game proses kewt merhaleya nêwî. Ewro ra tepîya ganî dewleta tirke gaman bierzo.
Caardişê azadîya fîzîkî ya Rayber Apoyî dewamê prosesî do belî bikero. Entegrasyono demokratîk têna têna bêçekbîyayîş nîyo, ganî gamî bêrê eştene ke kurdî û tirkî bieşkê pîya biciwîyê.
Kurdîstan de hema qeyûmî est ê, hema îdareyê ke şarî vîjnayî wezîfe de nîyê. No normalbîyayîş nîyo, no rejîmêkê îşxalî yo.
Ma sey têgêrayîşî merhaleya verên a prosesî de çîyo ke kewno milê ma ard ca. Merhaleya diyîne de ganî ewil, berê Rayber Apoyî bêrê akerdene ke bieşko sîyaset bikero. Ganî çarçeweya entegrasyonê demokratîke de serûberkerdişê fermî bêrê caardene.”
