Haşdî Şabî eşkera kerd ke netîceyê hêrişanê nê serê sibayî yê Amerîka û Erebîstanê Seûdî de, hêzanê înan ra merde û birîndarî estê.
Haşdî Şabî pê eşkerayîyêke da zanayene ke nê serê sibayî herêmanê cîyayan ê Îraqî de tayê kampanê înan ê fermî hetê Amerika û Erebîstanê Seûdî ra bîyî hedefê hêrişan. Netîceyê nê hêrişan de merde û birîndarî estê.
Eşkerayî de wina ame vatene: “Amancê nê hêrişî alozîya rewşe yo, tehlukedar o û binpaykerdişê serwerîya erdê Îraqî yo. Hetê elaqedarî rewşe erjnenê, xebatê seba eşkerakerdişê zeraranê hêrişî zî dewam kenê.”
Nê serê sibayî Musul, Amirlî, Kerbela, Kerkûk, Besra û Bexdad de çend merkez û kampê grubanê ke girêdayeyê Haşdî Şabî yê, hetê Amerika û Erebistanê Seûdî ra bîbî hedefê hêrişan.
