Vervatoxa Meclîsê Cinîyan ê DEM Partî Halîde Turkoglu: Hêzê ke na welatî de do haştîya rûmetêne awan bikerê hêz, veng, qise û tecrubeyê cinîyan ê.
Vervatoxa Meclîsê Cinîyan ê DEM Partî Halîde Turkoglu merkezê partîye de kombîyayîşê Meclîsanê Cinîyan ra ver kombîyayîşê çapemenîye de qisey kerd.
Halîde nê babetan ser o qisey kerd:
‘’Birêz Ocalanî 27ê sibate de vengdayîşêk kerd. No vengdayîş vengdayîşê caardişê paradîgmaya demokratîke, ekolojîke û azadîgîra cinîyan o. Cinîyî sey vizêrî ewro zî pozîtîf cewab danê vengdayîşê seba haştîye. Ma do sey DEM Partî her xebat û planê xo seba awankerdişê komelê demokratîkî virazê.
Xora mesuldarîyê prosesê winayênan giran ê la ma amade yê ke nê mesuldarîyan bigêrê milê xo. Vengdayîşê Haştîye û Komelê Demokratîkî seba vurîyayîş û vurnayîşî zî vengdayîş o. Nê rojan de ke cinîyî qetil benê, şîdet vînenê, çin hesibîyenê komelo demokratîk çare yo.
PKKyî bi Kongreya 12. bi xurtî cewab da vengdayîşê Birêz Ocalanî. Ganî hinî îqtîdar mesuldarîya xo bîyaro ca. Coka girîng o ke Meclîs de komîsyonêk wa bêro awankerdene. Ganî nê komîsyonî de cinîyî bibê kerdoxê serekeyî. Hêzê ke na welatî de do haştîya rûmetêne awan bikerê hêz, veng, qise û tecrubeyê cinîyan ê.
Ma tim bîyî serkêşê haştîye û kerd ke komelê demokratîkî awan bikerê. Zemînê têkoşînê ma do Vengdayîşê Haştîye û Komelê Demokratîkî xurtêr bikerê. Ma dormeyê nê vengdayîşî de yew bibê.’’
