Badê çend reyanê taloqkerdene, ewro serê sibayî grûba hîrêyine ya koçberanê Efrînî çarçewaya peymana 29ê çele de şaristanê Qamişlo ra ver bi warê xo kewtê rayîr.
Çarçewaya caardena madeyanê peymana 29ê çele de amebî îmzakerdene, karwano hîrêyin ê koçberanê Efrînî dimayê amadekarîyan dest bi raywanîya agêrayîşî kerd. Koçberê ke bi serran şertanê çetinan de ciwîyayê û keyeyê xo ra dûrî mendî bî, bi heyecanêko gird verê xo da herra kalik û pîrikan.
Bi heyecan kewtî rayîr
Koçberê ke amadekarîya xo temam kerdbî, Çatrayîrê Şehîd Yusif Gulo yê rojavayê şaristanê Qamişlo de kom bîyê. Bi desan erebe û wesayîtê ke seba neqlkerdişê keyeyan û eşyayê înan amebî amadekerdene, binê tedbîrê asayîşî de ver bi Efrînî kewtî rayîr. Heyecanê welatijan ê agêrayîşî erjayeyê dîyayîşî bî.
Prosesê agêrayîşî dewam keno
Prosesê agêrayîşê koçberan goreyê ke peymane de amebî dîyar kerdene bi qonaxan pê yeno: Grûba yewine 9ê adare de bi 400 keyeyî dest pêkerd, grûba dîyine 4ê nîsane de bi 200 keyeyî dewam kerd. Grûba hîrêyine zî ewro raywanîya bi seyan keyeyan dewam keno.
No agêrayîşê koçberan badê xeylê astengî û taloqkerdişan bi ca yeno, no agêrayîş sey gamêka muhîmê seba kemîkerdişê dejanê koçberî û agerayîşê serê herra xo yê resen yeno vînayene.
