Girewteyê sîyasî yê Hepisxaneyê Xarpêtî vera îşkence û kerdişanê xiraban 7 rojî yo grevê vêşanîye yê bidorî de yê.
Hepisxaneyê Ewlekarîya Berze yê Xarpêtî de binpaykerdişê heqanê girewteyanê sîyasîyan dewam kenê. Dezgehanê heqanê merdiman derheqê hepisxane de rapor amade kerd û tede dîyar kerd ke girewteyê sîyasîyî zîndan de bi hewayêkê sîstematîkî raştê îşkence, pirodayîş, gef, taloqkerdişê tehlîye û tecrîdî yenê.
Girewteyê sîyasî yê Hepisxaneyê Xarpêtî vera îşkence û kerdişanê xiraban 7 rojî yo grevê vêşanîye yê bidorî de yê.
Lokman Aslanî (26) bi telefonî keyeyê xo de qisey kerd û pare kerd ke îşkence û kerdişanê xiraban ra înan dest bi grevê vêşanîye kerdo.
Aslanî îfade kerd ke 16ê temmuza 2025î de roja çarşemeyî gardîyanan eşto koxûşî ser o û girewteyêk bi zorî berdo. Aslanî îfade kerd ke wextêk ra pey no girewte reyna bi şîdetî ameyo ardene.
Keyeyê Aslanî dîyar kerd ke îşkence û zorbazîyê ke vera girewteyan bîyê sey rewşêka normale yena vînayene û vat ke cuya girewteyan binê tehlukeyî de ya. Keyeyî venga DEM Partî û dezgehanê sivîlan da ke wa vera îşkenceyî cade têbigêrê.
