Neqebê Hurmuzî de, ke rayîro sereke yê derbazbîyayîşê petrolî yo, şîyayîş û ameyîş hema hema vinderto. Vaya petrolê Brentî resa 94 dolar.
Rojhelatê Mîyanênî de dewamkerdena alozîyan û Neqebê Hurmuzî de vindertena şîyayîş û ameyîşê tankeran, vaya petrolî berz kerde. Vaya petrolê Brentî resayo 93,82 dolar û bazarê dinya nê semedî ra krîzêko girdî reyde rî bi rî maneno.
Tehdîtê DYA û Îranî yê vera rayîrê bazarê petrolî yê Rojhelatê Mîyanênî ver, vaya petrolî reyna berz bîye. Roja peyînê hewteyî de, vaya varîlê petrolê Brentî resa 93,82 dolar, la vaya petrolê xamî yê DYA’yî, WTI, zî berz bi û resa 87,78 dolar. Panc rojanê peyînan ê bazirganîye de, vaya petrolê Brentî %7, û xam petrol WTI zî %8 zêde bî.
