Kadîfekaleya Îzmîrî de bi pêşengîya GEROKma de, domanan reyde aktîvîteyêka rengine ameye viraştiş û muhîmîya mensûbîyetê kulturî ameye dîyar kerdene.
GEROKma, Platformê Têkoşînê Vera Hişberî yê Îzmîrî û Komeleya Kultur û Hunerî ya Azade bi sloganê ‘Têkilîyê xurtî, ameyoxo azad’ domanan reyde aktîvîteyêk organîze kerd. Aktîvîteya ke Meydanê Newrozî ya Kadîfekale de ameye viraştene, bi tewrbîyayîşêko girseyî yê doman û keyeyan virazîyaye.
Amanc averberdişê domanan o
Çarçewaya na aktîvîte de muhîmîya xurtkerdişê hîsê wayîrvejîyayîşî yê domanan ameye îşaret kerdene. Program seba averberdişê domanan ame hedrekerdiş, hetê beşdaran ra bi heyecanêko gird ame pêşwazî kerdene.
Atolye û aktîvîteyê hemparî
Meydanê aktîvîte de seba doman û keyeyan xeylê atolyeyî û aktîvîteyê afirînerî ameyî organîzekerdene. Domanan bi kay, muzîk û aktîvîteyê hunerî wextêko weş derbas kerd û firsend dî ke pîya bimusî û kay bikerî.
Rayberanê aktîvîte dîyar kerd ke ê seba paştîdayîşê doman û keyeyan do nê xebatanê hemparan bidomnê.
