Tîyatroyê Şaristanî yê Şaredarîya Amedî ya Şaristanê Girdî (DBŞT), emser Festîvala Tîyatroyî ya Mîyanneteweyî ya Amedî ya 11. bi temaya “Seba Aştîye Dîyalog” do virazo.
Festîvala ke do 22ê nîsane de dest pêbikero û heta 2yê gulane dewam bikero, grûbanê tîyatroyî yê 19 welatan do Amed de bîyaro têhet.
Festîvale de bi pêroyî 22 kayî do bêrê sahnekerdene.
Beşêkê kayan o gird Merkezê Kongre û Kulturî yê Çand Amedî de do bêro sahnekerdene, tayê performansî zî waranê akerdîyan de do temaşekerdoxan reyde bêrê têhet.
Çarçewaya festîvale de kayan ra teber qiseykerdişî, panelî, atolyeyî û pêdîyayîşê hunermendan zî do bêrê organîzekerdene.
Kayê ke do bi ziwananê cîyayan de bêrê sahnekerdene, tede sernuşteyê tirkî, kurdkî û îngilîzkî do bêro xebitnayene.
Şaredarî venga heme şarê xo danê ke beşdarê festîvale bibê.
Bernameyê festîvale: https://amedtheatrefest.org/program.html?festival_id=1&festival=11.+Festival
