Endamê Komîsyonê Demokrasî Waûbirayî û Piştîdayîşê Mîllî do ewro Rayberê Şarê Kurdî Abdullah Ocalanî reyde pêvînayîş bikero.
Komîsyonê Demokrasî Waûbirayî û Piştîdayîşê Mîllî ke meclîs de ameyo awankerdene, do ewro Rayberê Şarê Kurdî Abdullah Ocalan reyde pêvînayîş bikero. Heyetî de Serekwekîla Grûba DEM Partî Gulîstan Kiliç Koçyîgît, Cagirê Serekê Pêroyî yê MHP’yî Fetî Yildiz û AKP ra Huseyîn Yaman ca gêno. Yeno pawitene ke mîyanê çend saetan de bi helîkopter şîro Îmrali.
Pêvînayîşî de do heyetê komîsyonî Rayberê Şarê Kurdî Abdullah Ocalanî bigoşdaro. Detayî pêvînayîşî do 10 serrî nimite bimanê. Yeno zanayene ke Rayberê Şarê Kurdî Abdullah Ocalan pêvînayîşî de sebebanê vejîyayîşê PKK’yî, tifaqê tirk û kurd, cehdê aştî, pêşnîyazê çareserî û prosesî viraştişê qanûnan ser o erjnayîşan bikero.
