Qezaya Êlih de, ame eşkerakerdiş ke gedeyêka astengdara heşî, mîyanê keyeyê xo de rastê tecawîzî ameya. Dima ra dîyar bî ke gede diganî ya, bira aye ame girewtiş, cipersayîşê pîyî dewam keno.
Goreyê xebera Jinnewsî, Êlih de gedeyêka astengdara heşî wexto ke atolye de aciz bena, dima ra benê nêweşxaneyî, nêweşxa de eşkera bena ke gede 7 aşme û nêm diganî ya. Rayedaran seba ke gedeyê bipawê, keyeyî ra girewt û merkezêk pawitişê gedeyan de bi ca kerd.
Birayo pîl ame girewtiş
Badê cipersayîşî tecawîzê gedeyê ser yeno rayraberişî de birayo pîl ê gedeye ame destbendkerdene û dima ra ame girewtiş. Çarçewaya cipersayîşî de nimûneyê DNA’yî pîyî ra ame girewtene. Şarê taxe ke hadîse tede qewimîyaya, dîyar kerd ke gede diganî bîya hetê heşî ra astengdar a û atolye de xebitîyaya.
Qerarê nimiteyî
Ame eşkerakerdene ke derheqê hadîseyê tecawîzî de qerarê nimiteyî ameyo dayîş. Çarçewaya pawitişê gedeye de nameyê endamanê keyeyî nêameyê parekerdene.
