Yewîya Cinîyan ê Kurdan a Swîsre (YJKS) da zanayene ke do bi sloganê “Ma pêro YPJ yê” beşdarê Grevê Cinîyan ê 14ê hezîrane bibê. Cinîyê kurdan do zaf şaristananê Swîsre de beşdarê çalakîyan bibê û mesajê piştgirîye yê seba YPJ’yî bidê.
YJKS verê Grevê Cinîyan ke 14ê hezîrane de Swîsre de bi beşdarîya bi se hezaran cinîyan do bêro viraştene, eşkerayîyêka nuştekî daye. YJKSyî vat ke do şaristananê ke tede rêxistinkerde yê, tede beşdarê çalakîyan bibê û do piştgirîya kampanyaya “Ma pêro YPJ yê” bikerê ke sewîyeya globale de yena domnayene.
Grevê Cinîyan ê Neteweyî yê Swîsre ke reya verêne 14ê hezîrane 1991î de virazîya, bi beşdarîya nizdîyê 500 hezar cinîyan virazîya. Cinîyan bi talebanê ‘seba eynî karî eynî heq’, seypêyîya firsendan û qedênayîşê cîyakerdişî kar caverda û çalakîyê protestoyî viraştî. 2019î de, serra 28. ya grevê verênî de, grevê neteweyî yê dîyinî yê cinîyan virazîya û 2020î ra nat cinîyan her serre 14ê hezîrane de grev domna.
YJKS eşkerayîya xo de vat: “Ma do bi sloganê ‘Ma pêro YPJ yê’ beşdarê çalakîyanê grevê cinîyan bibê ke Lozan, Cenevre, Bern, Biel, Winterthur, Luzern, St. Gallen, Basel û Zurîh de do bêrê viraştene.” Eşkerayîye de bale ame antene ke grevê cinîyan eynî tarîxan de zîrweyê G7 reyde ke Cenevre de virazîyena, pêresena.
Şaristanê ke çalakîyê grevê cinîyan tede do bêrê viraştene wina yê:
Lozan
Tarîx: 13ê hezîrane,
Saete: 16:00,
Ca: Place de la Riponne
Cenevre
Tarîx: 14ê hezîrane,
Saete: 16:00,
Cayê Pêserbîyayîşî: Genève Gare
Biel
Tarîx: 14ê hezîrane,
Saete: 13:30,
Ca: Walserplatz
Zurîh
Tarîx: 14ê hezîrane,
Saete: 17:00,
Ca: Ni Una Menos Platz (Helvetiaplatz)
Basel
Tarîx: 14ê hezîrane,
Saete: 15:00,
Ca: Petersplatz
St. Gallen
Tarîx: 13ê hezîrane,
Saete: 10:00 ra nat,
Ca: Barenplatz
Winterthur
Tarîx: 13ê hezîrane,
Saete: 17.00,
Ca: Neumarkt
Luzern
Tarîx: 14ê hezîrane,
Saete: 16:00,
Ca: Vogeligartli
Bern
Tarîx: 14ê hezîrane,
Saete: 12.45 -15.00,
Ca: Schutzenmatte
Bern
Tarîx: 14ê hezîrane,
Saete: 15:00-17:00,
Ca: Verê Parlamentoya Federal a Swîsre
