Îranî îdia kerd ke Deryayê Hazarî de Ukrayna hêrişê yew keştîya înan a bazirganîye kerdo û eşkera kerd ke nê hêrişî de yew deryakarê înan cuya xo ra bîy û yew zî birîndar bîyo.
Ajansê Xeberan ê fermî ya Îranî IRNA, goreyê agahîyanê Wezareta Karanê Teberî ra eşkera kerd ke şewa şemîye Deryayê Hazarî de hêrişê yew keştîya înan a bazirganîye ameyo kerdene û keştîye de teqayîş qewimîya yo.
Îranî diyar kerd ke nê hêrişî de yew deryakarê înan cuya xo ra bîyo û yew zî birîndar o. Wezaretê Karanê Teberî yê Îranî eşkera kerd ke hêriş hetê Ukrayna ra ameyo kerdene û no zî sey ‘çalakîyêka hêrişkarîye’ ya ‘neyarîye’ pênase kerd. Wezaretî dîyar kerd ke Îran qet rasterast tewrê şerê mabênê Rûsya û Ukrayna nêbîyo û destnîşan kerd ke hêriş binpaykerdişê huqûqê mîyaneteweyî yo û hişyarî da ke şer eşkeno herêmêka hîna hîra de vila bo.
Serekê Dewleta Ukrayna Volodimir Zelenskiy zî roja şemîye eşkerayîyêk da û ard ziwan ke Deryayê Hazarî de înan bi fuzeyanê menzîldergan hêriş berdo serê keştiyêka şerî û keştiyanê bi barê leşkerî ke yê Îranî zî mîyan de bî.
